«Әкият» татар дәүләт курчак театрында Яңа ел тамашалары башланды

23.12.2015

19 декабрьдә «Әкият» татар дәүләт курчак театрында  Чыршы бәйрәмнәре башланды.

Яңа ел программасы ике өлештән тора – Чыршы тирәли әйлән-бәйлән уены һәм спектакль карау. Тамаша 1 сәгать 45 минутка исәпләнгән.

Традициягә тугры калып, театр Чыршы тирәли әйлән-бәйлән уенына Кыш бабайны, Кар кызын, башка әкият каһарманнарын чакырган. Уеннар, бәйгеләр, ярышлар, шигырь сөйләү, җыр җырлау, бию, бүләкләр – барысы да элеккечә. Әлеге бәйрәм программасы барлык тамашачылар өчен дә бер үк төрле булачак. Ә менә спектакльләр балаларның яшенә карап уйналачак. 

Бәйрәм марафоны 10 гыйнварга кадәр дәвам итә. «Яңа ел кампаниясе» вакытында артистлар барлыгы  86 тамаша күрсәтәчәк.